السلام عليكم يا اصدقاء
بما ان الاسابيع القادمة بكون مشغولة جداً بالاختبارات
ومراح اقدر اكتب تدوينات خصصت لنفسي وقت اليوم
أكتب تدوينة قصيره عن بعض الادوات الفنية
ورق الذهب
تجي باكيج عبارة عن 25 ورق رقيقة جداً
من الذهب 23 قيراط يجي معه مثل ما هو واضح بالصورة
صمغ يوضع قبل الورق
ورنيش يوضع بعد الورق
اذا شايفين الخشبة السماوية بالصورة فوق
مشتغله عليها من الجنب بورق الذهب
استخدمت ورق الذهب باللوحتين
في الصورة الاولة على الرقبه بشكل بسيط
وبالصورة الثانيه في اللوحه العلوية بشكل عشوائي وهنا كانت تجربتي الاولى
طريقة استخدام ورق الذهب بسيطه جدا لان يبغى لها يد خفيفه
بنترست مكتبة واسعه مليئه بالافكار
طريقة استخدامه بسيطه
استخدمي الصمغ بالمناطق اللي تبغين الورق فيها اكتبي بواسطة الصمغ
الكلمة او الشكل او امسحي بالغراء المكان وحطي شريحة الورق عليه
واستني حتى ينشف الصمغ بوساطة فرش نظيقه امشي فوقه يشيل الورق الزايد
وحطي فوقه طبقة ورنيش
الالوان الخشبية المائيه
ميزتها سهولة الرسم فيه يعطيك تاثير مقارب
لتاثير الالوان المائيه المضغوطة
ارسمي بالاقلام ومدي اللون بفرشه رطبة
يعطيك تدرج للون ونعومه للخطوط
الرسمات اللي تحت رسمتها بالمائي
واغلب رسمات كلندري اعتمدت الالوان المائيه فيها
المدعكه
استخدامها يكون مع اقلام الفحم
لتعطي تاثير التظليل
بشكل نظيف وتدرج للون الرصاص
وتخفف من حدة الخط
اعتمدت عليها برسمتين اودري هذي
اذا ملاحظين بالصورة التي تحت
حدود الخد مظلله
مع الممارسة بتساعدكم
يصير رسمكم اكثر واقعيه بس البورتريهات
مو المنحنى الفني اللي اشوف نفسي فيه
احب الرسمات الغامضة اللي مافيها ملامح
والفن السريالي "فوق الواقع"
الفحم الابيض
والقلم الابيض
وظيفتهم يعطون اضاءه
على خصلات الشعر مثلا
عشان تعطي الرسم واقعيه
الوان الزجاج الافضل
راسها سلس بالرسم والوانها لطيفة
اسهل من المحدد انظف بالشغل
واتركيه بضع دقائق بالفرن عشان يثبت الرسم
وسائط الالوان الزيتيه الاهم
جدا احب الرسم بالزيتي
عاليمين الزيت اللي يخفف من ثقل قوام اللون
ويخليها سلس ومنظف الفرش التنراعتبره اهم شئ
استخدمه بتعديل ااخظاء اللوح ايضاء لانه مذيب للون
اغمس عود اذان قطني فيه وامسح الخطاء
سكاكين الرسم
للرسم بالالوان الزيتيه
لها تأثير لطيف ضربات الالوان
وتحتاج لها خبره
اشكال السكاكين وزاوياتها واطوالها لكل سكين استخدام
وممكن تستخدمي سكينه وحده لرسم لاكثر من شكل حسب الزوايه
فيه المستطيله وفيه المقوسه والحاده
للسكين تقنيه معينه يعني لها بروزات وملامس معينه فيه عده طرق يعني
ممكن تحطي اكثر من لون عالبالته وتجيبي السكين فوق اللون وبس اهم شي يكون اللون منتشر
عشان تعطي تداخل باللون مره حلو وتضربي فيها عاللوحه
صبغ السبورة
اخذته من محل الزامل في كورنيش الخبر
قبل فترة جربت على فريم عندي
بخيت عليه صبغه بخاخ اسود مات
وتقشع وفرحت لما لقيته اصبغي السطح فيه
ويكون قابل للكتابه عليه
هذي الماده
تعطي زي البروز الشفاف
على الرسمة اوالاعمال الفنيه بشكل
زي تأثير قطرات الندى
ميديم الالوان الاكريلك
يصير نفس مادة الجيسو لتأسيس اللوحه
اذا بغيتيها مستويه
وهي مخططه ثلا تسد الفراغ بس احرصي عالدقه
بالتوزيع او العكس اذا كان السطح مستوي وبغيتيه عشوائي اسسي الشغل فيه
وبأستخدام السكينه مرري خطوط عشوائيه
وانتظريها تنشف
وابدئي ارسمي عليها
وبس أتمنى الموضوع كان مفيد لكم
سعيده فيكم وبتعليقاتكم ودعمكم
ليست هناك تعليقات:
إرسال تعليق