نهاية أسبوع سعيده يا أصدقاء
المعذره ما كتبت تدوينة لفترة طويله أنشغلت فيها بضغط الدراسه
وحشني التدوين و وحشتني تعليقاتكم وتفاعلكم
دعواتكم ربي ييسرلي امتحاناتي واتخرج بنسبة عاليه يارب
اليوم بكتب التدوينة الاولى من سلسلة التصميم ومراحل تطور غرفتي
لازالت تحت الانشاء بحدثلكم اخر التطورات بتدوينات منفصله بأذن الله
قرار التغير كان مفاجى
حسيت غرفتي ما عادت تمثلني والديكور والفن يشغل جزء كبير من اهتماماتي
وبديت اخطط التصميم
أشتغلت على تصميم ثلاثي ابعاد عشان أقنع اهلي بالتغير ماكانت فكرتي واضحه
لكن كنت ابي شي لطيف مراح امل منه
هذا كان التصميم المبدئي
قررت اتبع ستايل المودرن شيك
اغلب اثاث الغرفه تفاصيل بسيطه خشب ابيض بنقوش ناعمة
المكتب مايل للمودرن اكثر وقزاز لأني ارسم واجد والخشب تتخلل مسامة الالوان
شي يناسب نمط حياتي ..
بديت بـ الاطلاع لتكوين الافكار
بدت تتضح لي الاشياء اللي ابغاها بالغرفه
رحت لمحل ورق الجدران وانا حاطه براسي نقشه ولون
كنت ابغى شي سماوي فاتح بزخارف بيضاء
وابغى ابعد كل البعد عن الاشياء المورده لأنها صارت مستهلكه وبسرعه بمل منها
بعد عملية بحث استغرقت 3ساعات لعدد من الايام وجدت ضالتي المنشوده
شي مثل اللي في بالي
طلعت كل الاغراض من الغرفه
وكان اسوء شي سويتة اني اخذت كتالوج ألوان الصبغات من المحل واختررت الصبغه
طلع اللون مختلف مره ازرق فاقع
اخذت كتالوج ورق الجدران ورحت لمحل الصبغ واستشرت العامل
ما تعاون معي كثير لكنه قال لي اخذ تدرجات الرمادي بدال تدرجات الازرق
راح يضبط اكثر بالنهايه خلطت اللونين القديم والجديد
لين وصلت للدرج للي ابغاها وصبغنا
ركبنا ورق الجدران
تأكدت من قياسات الغرفة ورتبت أفكاري واخترت قطع
الاثاث الاساسيه
رسمت للنجار
قطع الاثاث اللي أبغاه ينفذلي إياها
كنت حريصة اني ما اخذ قطع مكررة وكنت حاطع في راسي
مراح اخذ شي من ايكيا نظرا لانه خل البيوت متشابهة
اطلعت على اعمال فئة يسمون نفسهم هكرز ايكيا
يشترون قطع من ايكيا ويغيرونها بشكل مخالف تماما
اطلعوا على اعمالهم ikea hack
لحظات التخطيط في ايكيا
اشتريت من ايكيا وحدتين التخزين هذي باللون الاسود وقاعدة المكتب ايضا سوداء
وقررت اصبغهم ذهبي
جربت البخاخ على قطعه خشب وقطعه حديد
اشوف درجة اللون وهل الماده تمتص اللون بشكل حلو
وصبغت
هل انصح تصبغون ؟ لا اخذ مني جهد و وقت كبير والاصباغ كلفت
والخشب يبهت بالملامسة
لذا انصح تفصلون عن نجار القطعة اللي تبغون باللون اللي تبغون
نتائج الصبغ
ماكان عندهم قزازة مكتب سادة اخذت مقاسها من الموقع
وفصلت مثلها عند محل قزاز سادة بحواف نصف دائريه
وبس هذا كان اول مواضيع السلسلة
بكتب لكم أكثر بأذن في التدوينة القادمة تسعدني تعليقاتكم
وملاحظاتكم سعيده فيكم
ما شاء الله تبارك الله اسيل ابدعتي! استمعت جداً بالتدوينة، وعجبني تنسيقك واهتمامك بالتفاصيل! متحمسه اشوف النتيجة كاملة
ردحذفيالطفك بس شكرا اريج .. انا بعد متحمسة والله اشاركم النتيجة
حذفمرا حلو ما شاء الله متحمسه اشوف النتيجة النهائية احسها بتطلع فخمة و رايقة
ردحذفيازينك لولا بأذن الله تطلع مثل ما اتخيلها متحمسة اشاركم النتيجة
حذفجداً راقي وبسيط ما شاء الله *3*
ردحذفتتهنين يارب
بالبداية لما قريت الموضوع حسيت صعب الواحد تصير غرفته مثل الي في باله لان الموجود بالسوق ممكن ما يخدمه بس بعد طرحك للموضوع تغيرت فكرتي صدق تعبتي واخذ جهد كبير منك بس النتيجة تستاهل وطلع شيء يعبر عنك *3* .. المشكلة لما نروح نشتري الي معانا مرات يطفشون او ما يشجعون ويقولون خوذي وخلصي علينا *عصبت Y^Y*
متحمسه اشوف التغير $3$