السلام عليكم يا أصدقاء الحمدالله خلصت الامتحانات وتخرجت بحمدالله
راجعة للتدوين بقوة بإذن الله
موضوع اليوم بتكلم عن تفاصيل حفل تخرجي الصغير البسيط
من ديكور واهداءات وأفكار
اغلب الأشياء كانت هاند ميد اشتغلت عليه يوم ونصف فقط
كان عندي امتحان الاحد وحفلي كان الثلاثاء فاشتغلت عليه بفترة قصيره جدا
لكن الحمدالله طلعت بنتيجه مرضيه
نبدأ؟
طاولة المقبلات " السناكس بار"
خلفية التصوير استخدمت ورق التغليف البني
قست الطاولة وقصيته بأضافة 4 سم من المقاس قصيت
طبقتين لان عرضها قليل بالنسبة لي
وال4 سم اضافيه عشان اطوي 2سم من كل الطرفين عشان تطلع لي مستقيمة
بشكل ارتب في حال يدي مالت بالقص.
- صنع احرف ذهبيه
طبعت احرف اسمي بالشكل هذا
لونته باللون الذهبي في حالة طاح من القليتر شوي
مايصير شكله قبيح
ثبتها على فلين بصمغ ابيض
بديت اقصها بسكين مستقيمه مافيها شرشره
وبالنهاية نعمت الأطراف بسكين ساخنه
عشان تصير مستقيمة و حطيت عليها طبقة صمغ
ورشيت القليتر الذهبي وخليتها تنشف
الفلور بوم
تحتاجون ورق المنديل حق الهدايا
اخذت حقي من قسم الهدايا في ايكيا
تحتاجين ورقتين من نفس اللون
قصي الورقه بالنصف مثل ماهو واضح بالصوة
وقصي الطرف المرتبط عشان تكون الأوراق مفصولة عن بعض
كرري العملية بالورقه الثانيه
استخدمت ورقتين منديل للفلور بوم الوحده يعني 4 انصاف
خليهم بالشكل هذا فوق بعض
وأبدائي اثني الأوراق بنفس طريقة المروحة اللي كنا نسويها زمان
بالشكل هذا
اعقدي ربطه بالنصف وقصي الأطراف بشكل نصف دائري او مثلث اللي يعجبك
وابدائي افتحيها
كرري العملية بالطرف الاخر
بدون لاصق بدون صمغ بدون شيء
نبدأ بترتيب الخلفيه
قبل ما أثبته عالجدار تركته عالارض
جربت احط الأشياء عليه حتى اصل للشكل المناسب
ومن ثم ركبته
بما ان الخلفيه فيها عدد من الألوان حسيت الأنسب اني احط عشب صناعي بدال المفرش
وبما اني حطيت الطاولة تحت الدرج وسقف الدرج فارغ
حطينا اغصان ورق شجر صناعيه دخلنا فيها اسلاك أضواء
عشان تملي الفراغ وتعطي شكل خصوصا اني حطيت وحدة رفوف
لمكينة القهوة والصحون والاكواب
ترتيب الطاولة
اهم نقطة بترتيب الطاولة ان الأشياء ما تكون على مستوى واحد
ألطف تكون أشياء اعلى من أشياء وارتب للعين
استخدمت القاعده الخشبيه العاليه
من ايكيا قسم النباتات اخذت 2 الوحده على ما اعتقد تكلفتها 45 ريال سعودي
واستخدمت القاعده الخشبية الدائريه المنخفضه إيضا من ايكيا
للأسف ماعندي صور والطاولة مكتملة كنت جدا مشغولة ذاك اليوم
الرف بالقرب من الطاولة
وحدة الارفف من ايكيا لونها اسود
صبغتها باللون الأبيض
شكل المساحة تحت الدرج
الاناء الكبير للمشروبات البارده
بداية الدرج عندنا شجرة كبيرة
قررت بدال ما اشيلها
ازينها وأوظفها بديكور الحفل
ثبت عليها قبعات تخرج ذهبيه
وحطيت عليها مراية ورديه قديمة
وحرفي الأول
وسلك اضاءه
جنب الشجره كرسي خشب قديم
مشيت عالدرج سلك اضاءه على شكل اقفاص
استأجرت كراسي شفافه
على كل كرسي إهداء مكون من
هاند ميد كريم وسكراب شغل الماما يخليها ربي
ولكل مدعوة أيضاً
شمعه وتشوكلت
طبعناها على شكل استيكرات
وثبتناها على التشوكلت والشمعه وغلفناهم
بعض التصاميم كانت جاهزة وبعضها شغلي ورسمي
يعني الاهداءات كانت هاند ميد بسيطة وسهله
استمتعنا واحنا نسويها
كلنا نصور بالحفلات وعشان تكون الصور اكثر متعة
صنعت عدة تصوير
لقيتها جاهزة للطباعه طبعتها وعدلت عليها شوي بالألوان
عشان الألوان طلعت باهته
فكرتها بسيطة جدا
اخترت الاشكال عن طريق البحث ب
photo booth props printable
طبعتها وثبت عليها اعواد خشب
وتراا خلصنا
انتهى
أتمنى الموضوع كان ممتع وملهم
يسعدني أشاركم الأشياء اللي احب
ولحظاتي الحلوة
وتسعدني مشاركتك الموضوع
السلام عليكم ورحمة الله وبركاته
ردحذفالجميلة أسيل،، أنا لسه أضفتك انستقرام وبعد ما تصفحت حسابك عجبني أسلوبك في التعبير الأدبي وذوقك وتنسيقاتك اللي تنم عن ذوق عال جداً ،، ماشاء الله تبارك الله عجبني جداً تنسيقك وترتيبك لحفل تخرجك you are a creative lady
اهلا هيام اللطيفه صنعتي يومي بكلماتك اللطيفه ممتنه لفيض الجمال هذا نورتيني والله سعيده فيك
حذف