أصنعي التفاصيل الصغيره..pretty little things DIY

الفتره الماضي غيرت غرفتي بشكل جذري بس تكتمل بنزل سلسلة مواضيع

عنها حرصت فيها ان كل القطع تكون تشبهني صنعتها بيدي

او تركت بصمتي او شئ يعكسني فيها ..

اشتغلت على اشياء كثيره بشاركم اليوم 3 اشياء بسيطه

ماتعدت تكلفتها 20 ريال اعطت شكل انيق

لان الماده ما تعني الجمال ولان الجمال موجود في ابسط الاشياء

* ستاند الاكسسورات

الادوات:

-صمغ مسدس او الصمغ القوي الاصفر يفي بالغرض

-اكواب قهوه بالشكل اللي تبغونه اشتريت اكواب رخيصه ساده ماعدت تكلفتها 10 ريال

- اي شي اضافي خاطركم تزينون فيه عصافير ورد خاطركم ترسمون عليه بألوان الزجاج

ثبت الاكواب بالصحن بالطريقة اللي ابغاها

ثبتهم فوق بعض

عندي عصافير اشتغلت عليهم بعجينة الطين من فترة

عتقتهم شوي باللون الذهبي وثبتهم على الاكواب

يمديكم تستخدمون اي شي اخر

* اضاءة غرفة

شريت اقفاص بيضاء اخذتها من روائع المكتبات كانت فترة تخفيضات

اخذتها ب 16 ريال على ما اعتقد كثير من المحلات توفر تشكيله متنوعه منهم

فصلت قاعدة الاقفاص ب مقص الاسلاك ومنشار الشغله احتاجت قوة وصبر

اذا ما فصلنا القاعده الاضاءه بتطلع من تحت مخططه وانا ناويه استخدمها كا اضاءه معلقه.

ركبت وحدة اضاءه داخلها استعنت بخبير كهربائي بهذي الخطوة بس ماكانت مكلفة البتة

* ساند الكتب

تقريبا  نفس خطوات الاستاند الاول تماما

لكني استخدمت قطعة سيراميك كانت متبقيه عندنا من اعمال بنيان

سويت الخطوات ذاتها على السيراميكة الاولى

وثبت دمية قش قديمة على السيراميكة الثانيه

برضو الدمية كانت رخيصة جدا لما شريناها

وبس انتهى اتمنى الموضوع اعجبكم واستفدتوا منه شاركوني تطبيقاتكم اذا طبقتو بعض الافكار لأعيد نشرها

اتمنى لكم يوم ممتع