السلام عليكم ورحمة الله
احس اخيرا بديت انتظم بالتدوين ..سعيده بذالك عدد الزيارات اللي زاد بشكل ملحوظ
عدد المتابعين التعليقات كلها اشياء تحفزني ادون وانشر وتحسسني باهمية الشي اللي اكتب
وتخليني اتحلى بالسؤوليه تجاه الاشياء اللي انشرها
مثل ما العنوان واضح انتجت منتج
احس بأحساس غريب السعاده الكبيره بالقلب لما اشوف شي من تعبي وانتاجي بيد احدهم
فخوره جداً رغم انه ماطلع بالضبط بالشكل اللي كنت اتخيله فيه
عن ايش المنتج ؟ وايش الخطوات اللي احتجت اسويها؟ تابعي القراءه
المنتج عباره عن تقويم " هجري -ميلادي"
كل المناسبات المهمه خلال السنه "اعياد - اجازات - يوم وطني "
لها لون مخالف لتذكيركم
وراء كل شهر لائحة مهام واقتباس قريب من قلبي لأدبيين رائعين كان
لهم دور كبير بالتأثير على فكري
واشخاص بالقراءه عنهم فقط عطوني ايمان كبير بنفسي
الحمدالله ربي يسرلي وسخرلي خلقه
رسومات الكلندر كلها يدويه كلها رسم يدي اشتغلت عليه رسم يدوي وسويت لهم سكان
الاشياء اللي طلعت باهته استخدمت التقنيه وعدلت فيها
بس الاساس كله رسم
اخذ مني جهد كبير حقيقه تعاملت مع مطبعه تطبع لي اياه و واجهتنا مشاكل كثيره بالدقه والوقت كان ضيق
لأنه عرضته بمعرض عروس الخليج 6 كان الاربع ايام الماضيه في هوليدا ان الخبر
ماكنت اقدر اعطيهم الرسمات اليدويه يسون لها سكان من عندهم بدقه عاليه لان عدلت عليها بعدت برامج رسم
بس تمت بحمدالله وانطبع بس الدقه ما كنت راضييه عنها مره هي حلوه بس كنت ابغاهم بنتيجه افضل بس هذي تعتبر تجربتي الاولى ونتعلم من اخطائنا
صور للكالندر المكتبي من داخل
مثل ماقلت تابع السنه الميلاديه والهجريه
لاحظو الايام المميزه بلون مخالف ودليل الالوان تحت
لائحة المهام والاقتباس بالخلف
لما وديتها للمطبعه قالوا لي لازم اوديه وزارة الاعلام
يوافقون عليه لانه يحوي كتابات لو كان تقويم عادي بدون كلام مراح
تحتاجون هالخطوه
الحمدالله نص الكمية اللي عندي راحت بالمعرض
باقي عدد محدود عندي
صورة من المعرض
شكله عند الاستلام ينفع كهديه استخدمت اظرف بنية خلفيه للكلندر داخل ظرف بلاستيك شفاف
طبعت ليبل وراء كل منتج بعبارتين
made with love
discover your journey
كمية تحمل الملصق الاول وكمية تحمل الملصق الاول كمية تحمل الملصق الثاني
الكلندرات متوفرة لتصلكم بكل حب
وين متوفره؟ عالانستقرام متجر
sleeping.beauty.store@
جاني عرض بأنه ينعرض بمعرض قريب
الئ الان ما اكدنا على شي بسوي تحديث للموضوع اذا اتفقنا على شي
بعض الرسومات داخل الكلندر بما انه ما يسعفكم تتصفحونة
مراح احرق عليكم كل شي هذي كانت جزء بسيط من الرسومات
اتمنى الموضوع حفزكم تكونون ناس منتجه مافي شئ مستحيل وكل
شي ممكن ,ارجع اذكركم المنتج متوفر حتى انتهاء الكمية
بمتجر
@sleeping.beauty.store
سعر المنتج:35 ريال سعودي
والسلام عليكم ورحمة الله
ماشاءالله عليك اسيل مبدعة 💗💗💗
ردحذفيازينك بس .بعضا مما عندكم
حذفحبيبتي
ردحذفماشاء الله تبارك الرحمن
فرحت كثيررر منتج بسيط ومميز واهميته كبيره
للكل ، الله يزيدك ويوفقككك آكثررر وآكثرر
وننتظر منتج جديد وابداعاتك ��
مسك يا مسك , يا سعدي فيك بس ,ولك اضعاف هالدعوه الحلوة يابختي بس بمعرفتك
حذفتبارك الرحمٰن 😍
ردحذفوالله بطططله ؛ الالوان تفتح النفس ، والحجم مرا ممتاز
مالي صلاح ابغى واحد هديه 😌✋🏼 لووووول
موفقه ومنها للأعلى بإذن الله .. 🌸
انستازيايازينك بس ,ههههههه ما طلبتي شي
حذفما شاء الله شكله جمميل جدا احب الكلندرز كثيير استمري لا تتوقفي
ردحذفجمالك دعاء
حذفما شاء الله حبيت الفكرة مبدعة يا اسيل استمري و بالتوفيق ��
ردحذفيا زينك لولا بعضا مما عندكم
حذفحبيييييت!
ردحذفما شاء الله عليك جداً مبدعة، فعلاً حسيت إنه صنع بحب وشغف
بالتوفيق..
رائع أسيل .. الى الامام دوما
ردحذف