Eid room decor idea ...لمسات صغيره تُحدث فروق كبيره

.. سابقا كان العيد يمر يوم عادي في بيتنا كل عيد نقول العيد الجاي بنخطط وبصير غير .. وما يتغير شي ليلة من الليالي استوقفني كلام اختي الصغيره بالتحديد  قبل 3 سنوات بفترة اعياد الكرسمس .. لما سئلتني ليه اعيادنا مو نفس اعيادهم اعيادنا مملة ..تأملت بكلامها شوي .. من كنا صغار وكان بخاطري اعيادنا  تصير نفس اعيادهم اجتماع العائله والهدايا افطار الصباح وزينة الغرف كلها اشياء كانت تجذبني ..لكن ما كان عندي الحماس اني اطبقها ..قررت يومها اني اسوي كل اللي اقدر عليه عشان اخلي العيد يوم مميز على عائلتنا ..ما اقدر اقول ان كل شي تغير بسهولة لكن بالتدريج .. صرنا نتبادل الهدايا صباح العيد مع وجبة الافطار اللي تشاركنا واحنا نسويها نغير من ديكور غرفتنا شوي تغير المفارش ..اشياء غيرت من نفسيتنا كثير ..وهي اشياء بسيطه تكاد لا تذكر رغم اني متاخره كثير بطرح هالموضوع هذا ديكور غرفتي لعيد الفطر .. لكن طرحته الحين يمكن يلهم احد فيكم يغير بديكور غرفته لعيد الاضحى ..اعتذر جدا التصوير مو دقيق ما كنت حاطه في بالي بطرح هالموضوع  اتمنى لكم قراءه ممتعه 

                                     
  *1 الزينه الجداريه هذي

1- اخذت كرتون كتبت عليه كلمة"Eid" وقصيته بالمشرط ومسحته بغراء ابيض ورشيت عليه قلتر ذهبي 

او يمديكم تطبعون الحروف مفرغه على ورق مقوى وتسون نفس الشغله .

2- الفراشات عندي استنسل على شكل فراشة رسمتها على ورق كراسة كانسون وصبغتها ولما نشفت الالوان ثنيتها من النص عشان تعطي شكل ثلاثي الابعاد  

                                          *2  المنيكان

 ما اشتغلت عليه كثير هو كان مفرش طاوله مكسرته بصمغ مسدس لفيت المفرش وصار كانه تنورة فستان وثبت عليه بدي قديم وبالنص كلفة دانتيل  ومن حوالينها صفيت الهدايا  هي شغله بسيطه لكنها عطت شكل جميل

                                     3* زينة المثلثات 

استخدمت خلفيات كاث كادستون المورده وطبعتهم على ورقة a4 وقصيته 3 مثلثات 

استخدمت قريب من  هذولا النقشتين  بينهم ورق ملون وردي ساده 

                    وغيرت من مفارش السرير  الذهبيه ناسيه من وين والله بس شايفه شبيهة لها بدبنهامز ودبنهامز جايب تشكيلة ربيعيه حلوه " حق الظهران خارج الحسبة"

المورده جت مع مفرش شريته من ستي ماكس ومتوفره مثلها في كاث كادستون المفرش الابيض من ايكيا ..

 اتمنى الموضوع كان ممتع ومفيد لكم عملت فيه بجد عشانكم .