اصنعي لوحة ألهامك لعام2015

وقفه خمس دقايق قدام لوحة الهامي هذي ..كفيله انها تحفزني اني اشد حيلي واسعى بكل قوتي عشان اوصل للي انا ابيه..الموضوع كما هو واضح يتكلم عن لوح الالهام .. بقولكم كيف صنعت لوحة الهامي بالاشياء اللي انا احبها وكيف ممكن تساعدك تسوين لوحتك بالاشياء اللي انتي تحبينها .. وبحط نهاية الموضوع صور لوح الهام مقتبسة من الانترنت ممكن تلهمكم وتساعدكم 

*البورد

شريت هذا البورد من المحل الياباني دايسو تقريبا كان ب7 ريال 

وايضاً شريت فريم ايكيا هذا الخشبي 

قصيت البورد على مقاس الفريم بالمشرط 

واستخدمت غراء ابيض مسحت فيه كامل الفريم ورشيت عليه قليتر ذهبي

تركته ساعتين لين ما نشف وبعدها رشيت عليه سبري "مثبت الشعر"

بعدين ركبي عليه اللي تبغينه

كذا طلع شكل البورد النهائي

* عبارات الالهام

تلهمني عبارات كثيره 

لكن لوحة الالهام حبيتها تكون تحفيز لي عالتخصص اللي انا اخترته واحبه

التصميم الداخلي \الازياء 

فحطيت العبارات الملهمة المعنية بذالك

لكن بحط لكم اقتراحاتي لكم

وحطيت لنفسي تحدي قراءه التحدي لقيته جاهز اون لاين في بلوق  pop sugerلكن غيرت بشكله شوي 

خليته شخصي اكثر  وهذا هو  واذا جودته ما كانت واضحه ابحثي بنفسك عن طريق كتابة2015 reading challenge

 واخيرا علقت حرفي 

شريته جاهز من مكتبة لكن تقدرين تسوين واحد لنفسك نفس ما سوينا في تدوينة العيد 

علقت اللست حقتي عشان تصير اسهل لي استخداما

من سنتر بوينت ومايحضرني سعرها للأسف

الشكل النهائي طلع لي كذا

اتمنى انه الموضوع اعجبكم وقدرت اساعدكم 

كل واحد فينا مبدع لكن كل شخص يحتاج يكتشف مناطق القوة والابداع فيه 

لازم نؤمن بنفسنا وقدراتنا عشان نقدر نوصل للي نبيه 

اتركم الحين مع صور لوح الالهام لألهامكم