السبت، 28 يوليو 2018

اصنعيها بنفسك اضافات فنية للديكور Artistic DIY projects



صنع ورق حائط , تكسير ساعات و صنع اشياء من بقايا حطام كانت فعاليات الصيف بالنسبة لي برفقة 
اكواب القهوه الغير منتهيه كان في خطط استمتع بالصيف والجو والتشمس وحفلات المسابح لكن 
مابعد تصالحنا انا والشمس والحر  لذالك حتى ذاك الوقت المجد للفعاليات الاسيلية 
نبدأ؟


لما كان عمري 6 سنوات وكنا ساكنين في بيتنا القديم اذكر يوم من الايام 
سوينا مع امي عجينة ورق و سوينا منها اطار حول الباب وعتقناه مع بعض وظل على الجدران حتى اليوم اللي غادرنا
البيت فيه اليوم بعد 14 سنة تقريباً من الحادثة هذا كان ابرز ذكرياتي عن بيتنا القديم اللي فعلاً تخليني 
ابتسم وانا اذكر كيف كنا نجمع الجرايد ونتسابق مين يقصص اكثر وووو اسيل اقطعي حبل الذكريات وادخلي بالموضوع  المهم 
قررت اخلد ذكرى اخرى بالبيت الحالي وطرى على بالي اسوي كولاج على جزء كبير من الجدار 


الكولاج هو فن تجميع الورق والاشياء اللي احتجت 

1- لصق 

2-   جمعت صور من بنترست على مزاجي وجمعتها لكم في بورد اذا حابين تستخدمونها 


3- كوب شاي او قهوه ومزاج حلو

4- سلم 



بعد ما طبعتهم قعدت اجرب انسقهم واشوف ايش بيطلع حلو مع ايش 
وبعدها بدأ الشغل والتركيب 







نصائح اثناء التركيب كل ما فصلتي بيت الصور باقتباس او خلفيات مافيها عناصر كثيرة طلع احلى واريح
للعين 


لسه معرف اذا بكمل كل الجدار ولا بس كذا وافكر اشتري مراية دائريه حاطة عيني على وحدة 
في ايكيا  بس حتى الان استخدمت الاطار اللي سويته في الموضوع هذا 




ثاني شي سويته هو ساعة كتاب 
الميزة بالمشروع الاول والثاني اني اختيارك لنوع الصور او نوع الكتاب بغير النتيجة كلياً
اذا اخترت روايات كلاسكية النتيجة بتكون ذو طابع كلاسيكي مثلاً اذا حاب تهدي االساعة  شخص يحب الطبخ او شيف استخدم كتب طبخ اذا شخص يحب الازياء والموضة مجلة فوغ.....الخ


الاشياء اللي احتجتها 
1- كتاب لقيت هذا بجهة التخفيض من جرير واعتذر للكاتبه عن قتل انتاجها الفني

2- مشرط 

3- قلب ساعة عندنا ساعه قديمة استخدمت القلب حقها 


حددي المساحة اللي تحتاجين تفرغينها من الكتاب على مقاس قلب الساعه 



فرغيها بالمشرط وانتي تقرأين مقتطفات من الكتاب 


ركبي بطارية بالقلب وثبتيه مكانه داخل الكتاب وتاكدي ان الكتاب يتسكر بدون انتفاخ 
او بروز عشان يطلع  شكله ارتب 
و اثقبي ثقب صغير خارج الكتاب عشان تركبي العقارب من برة بالقلب حق الساعه 
اعتذر نسيت اصور هالنقطة وخلصنااا.

المشروع الثالث والاخير اضاءة 


خل نأخذ وقفه احترام لفكرة انها مصنوعة حرفياً من بقايا 
القطعة الاساسية الحديدة هي اطار صور من ابيات 
انكسر في ظروف غامضة 

الادوات 



سلك اضاءة ولمبة 
اخذتهم من ايكيا 



ورق مقوى ونقصة على حجم الفريم اللي استخدمتة 

crescent cardboard



نفتح الحلقة اللي اعلى سلك الاضاءه عشان نرسم دائره بمقاسها عالكارد بورد 




بعد ما رسمنا على الكار بورد بقلم رصاص نقص الفتحة الدئريه بمشرط 



زينت الكارد بورد بصفحات من الروايه بشكل عشوائي 
دخلت السلك من وراء وركبت الحلقه من قدام 
وتتركب اللمبة بكل بساطة.

الموضوع  بسيط مره مره والتعامل مع اسلاك الاضاءه هذي حلو وبسيط 
اي عنصر بعد حمايته من الحرارة بيكون غطاء مناسب لها 
سويت اضاءة بستايل صناعي من الميسن جار اخذتها من ساكو






والسلك نفس اللي استخدمته بالاضاءة اللي فوق من ايكيا 


اخيراً
 مرة ترددت انزل الموضوع مو عاجبتني الصور مره بس بعد اسشارة
قررت انه انزله مره راح انبسط لو طبقتوا احد الافكار 
ولا تنسون ترسلوا لي لو اعجبكم شي وطبقتوه 


هناك 8 تعليقات:

  1. .جميلة الافكار خصوصا الساعه ..
    فكرة الحائط حلوة لكن احسها مؤقتة ممكن اسويها لكن مو بالجدار لا اثبت الصور ب لوحة حائط فلين مضغوط .

    ردحذف
    الردود
    1. اتفق معك بتكون اضافة مؤقته يمكن مع الايام املها لكن حتى لو مليت منها استخدمت ماجيك تيب لطيف عالجدران لو شلتها مراح يتضرر . الصور خدمتني بالفترة اللي احتجت فيها تغير وممكن اذا مليت استخدمها بأعمال كولاج بدال ما اتخلص منها . سعيدة بتعليقك ولطفك رانيا

      حذف
  2. أفكارك روعه يا اسيل بس ياليت التوضيح كان أكثر بالصور. تسلم يدك يا مبدعه.

    ردحذف
    الردود
    1. سامح الله الحماس يالجوهره ههههههه اشتغل وانسى اصور واطبطب على نفسي بأنه يارب كان مفهوم من غير ما اصور الخطوة بس بأذن الله الاعمال القادمة بأخذ تعليقك بعين الاعتبار ممتنة للطفك

      حذف
  3. جمييلة جدا المشاريع هذه..
    أحببت أكثر شيء فكرة الساعة، جديدة ومميزة ورائعة كهدية

    ردحذف
    الردود
    1. من ذوقك ممتنة للطفك. فعلاً قدمتها كهديه من هدايا العيد حسيتها حلوه كلفته لطيفة

      حذف