اهلا يا اصدقاء
من جددت غرفتي وانا خاطري اسوي حائط فن
كان في راسي مليون فكره واحترت فعلا ايش اسوي دون اي تخطيط لقيتني
اطبع بعض الاشياء اللي احسها تمثلني وقمت برحلة البحث عن اطارات صور متشابهه
وهذا اللي صار
تحذير الصور لهذا الموضوع فوضويه للغايه !!
حائط الفن هذا مو ثابت بشيل وبركب فيه كل فتره
نبدأ؟!
لوحة الأيل
الادوات
اسطح خشبيه" المربع الكبير وثماني الفصوص" اخذتهم من جرير
ألوان اكريلك "استخدمت الابيض والوردي والازرق"
استنسل الأيل طبعته من بنترست
ورق ذهب او بويه ذهبيه لتذهيب الحواف
استخدمت هذا من ساكو
اول شي طبعت الايل وقصيته
طبعته على ورق مقوئ انصح تثبتونه على كرتون ايضا تعطيه دعامه
صبغته
نرجع للوح
ذهبت الطرف بالقطعه الصغيره استخدمت ورق الذهب
ولونها اقوئ بالقطعه الكبيره ذهبته
بالماده الي حطيتلكم صورتها ولونها ذهبي هادئ
الخشب قست طوله وقسمته بشكل طولي على شكل خطوط
وثبت عليه لصقه بنمط خط اغطيه وخط لا
وصبغته ابيض
القطعه الصغيره صابغتها من زمان
بنفس الطريقه
ثبت الايل على الخشبه الصغيره وثبت الخشبة الصغيره على الكبيره
وتراا
الاشياء الاخرى كانت بسيطة مره
مجرد مطبوعات عدلت عليها شوي
الخريطة
خريطه عليها اقتباس طبعتها من بنترست
مشكلتها كانت ان الكلام مو واضح من بعيد زدت تشبع الالوان
قبل اطبعها وحددت الكلام بقلم الخط العربي
الثانيه
طبعت اقتباس لبيكاسو
ولونته بالالوان المائيه
هذي شكل الاعمال الثلاثه
رتبت اللوح عالارض عشان اقدر اتخيل شكلها عالجدار واثبتها عالمقاسات
استخدمت وحده من لوحاتي ولوحة المزاج وحرفي مصنوع من الفلين
وحسيت النتيجه مرضيه
شلت القزاز من الفريمات في حالة طاحت ما ينكسر شئ
وثبتهم ب لصق اخذته من ساكو مايحضرني اسمه لكن يتحمل الوزن الئ 5 كيلو
ممتاز جدا وما خرب الصبغه
وبس اتمنى الموضوع كان لطيف عليكم
اتمنى لكم يوم سعيد يا اصدقاء
يعطيك العافيه
ردحذفمبدعه
يعطيك العافيه
ردحذفمبدعه
شكرا للطفك الجوهرة
حذف