DIY Gifts ideas ....هدايا أصنعيها بنفسك

السلام عليكم ورحمة لله

اسعد الله نهاركم بكل خير موضوع اليوم واضح من عنوانه الفترة الماضيه مرت مناسبات كثيره 

احترت فيها وش اهدي الناس اللي احب ..قررت احتفظ بصور الهدايا الى ما اوصل حد معين اقدر اطرح فيه موضوع

يساعدكم ممكن كل ما مرت فتره انزل موضوع مشابه عشان تستفيدون من تنوع الافكار

- سلة الهدايا

فكرة الهديه انك تجمعين كذا شغله يحبها الشخص بسله 

الاغراض اللي استخدمتها 

-سلة قش

-ورق المناديل 

-مجلة

-مكياج

-صندوق شوكلت 

-قهوه 

-كوب 

-تي شيرت 

الاشياء انا سويتها :

1

الهوت شوكلت 

ذوبت جلكسي بقالب سيلكون على شكل قلب غرزت بوسطه عود

وتركته يتجمد بالفريزر كم ساعه وغلفته وثبت عليه بطاقه صغيره 

الكوب ابيض ساده كتبت عليه باقلام الزجاج 

2- التي شيرت

ورق الطباعه على التي شيرتات تلقونه في اغلب المكتبات 

تطبعون عليه الصورة اللي تبغون 

تكونها عالتي شيرت

وتراا

خليت الاطفال يكتبون بطايق

وثبت على يد السله بطاقة

باقي الاغراض اشتريتها 

مثل المكياج 

المجلة 

القهوة 

الشوكلت 

وتراا

هدايا الاكواب والشوكلت 

بالنسبه للشوكلت طبعت العبارات اللي ابغاها 

عندي هذا النوت عباره عن ورق بزخارف ونقوش 

وشوكلت  

استخدمت اللصق بالوجهين لتثبيت النوت بهذا الشكل 

ثبت عليها الورقه المطبوعه

الاكواب انقسمت3 اقسام قسم تصميمها كان رقمي 

وقسم رسم يدوي  وقسم كولاج

بعرض صورها 

وفي كثير كثير بس للأسف مالقيت لهم صور 

-الرسم على الوسائد

 رسمت عليها ب اكريلك موب الوان قماش 

احتجت استنسل حروف 

غطاء وساده 

كرتون او اي شي مسطح ادخله داخل الوساده اثناء الرسم 

عشان ما يتلطخ الجانب الثاني

-الكتب بفواصل الكتب

طبعت فواصل كتب جاهزه ورسمت بعض الفواصل لكن للأسف ماعندي صور لها 

اخترت الكتب اللي ابغاها وقصيت الفواصل 

ركبت شرايط على اطراف الفواصل وحطيتها في بطن الكتاب وغلفته 

هذي الهديه غلفتها بعدت اشكال شي ثبت عليه من الشوكلت اللي سويناه فوق 

شي ثبت عليه بطايق وشي غلفته عادي

صور عشوائيه

اتمنى الموضوع افادكم واعجبكم عملت بجد واجتهاد ليعجبكم

تسعدني مشاركتكم الرابط لأصدقكم واصحابكم 

نلقاكم في موضوع ثاني