بسم الله الرحمن الرحيم
الاسبوع الماضي قررت اني أصبغ بعض الغرف حبيت اشاركم تجربتي واخطائي نتشارك التجربة و صبغت غرفتين وبعض قطع الاثاث وللأسف ما امداني اصور كل شي فجمعت الصور من الاعمال الثلاثه فممكن تتختلف معكم لون الصبغات بالصور لذالك حبيت انوه عن الموضوع لكن الطريقة وحده
اتمنى تكون الصور واضحه والمعلومات مفيده و وافيه
الادوات:
معجون" لردم الشقوق او الكسرات في حالة وجودها"
اساس الصبغه
الصبغه
ورق الصنفره
تيب ورق ضروري يكون ورق لسبب بقوله لاحقاً
ورنيش "للأثاث"
الاداة في يسار الصورة صراحه مدري وش اسمها بس تستخدم لكشط المعجون الزايد وتواسيه انا اسميها سكينة المعجون.
....
في البدايه ألصق اللصقه على اطراف الشباك والابواب عشان لا تتلطخ بالصبغ
الغرفه الاولى كان الجدار مافيه اشكال بارزه مجرد فتحات مسامير ردمتها بالمعجون وساويتها مع الجدار السليم بستخدم سكين المعجون
بالغرفه الثانيه كان عندي ورود بارز على الجدار وما كنت حابتها
فكسرتها باستخدام سكينة المعجون
ولما شلت الوردات ردمت مكانها معجون على شان يختفي الاثر ويكون الجدار متساوي
بعد ما اردمها اصنفرها بورق الصنفره عشان تتساوى زين
بعدين اخفف الاساس بعلبة مويه وحده اللي تجي صغيره موب كبيره
ونصبغ الاساس ونفس الخطوه للصبغه
صبغت الاثاث
الطبقة الاولى
صبغت اول طبقه وستل كان واضح اللون القديم طبيعي تركته لي نشف تمام وصبغت فوقه طبقه ثانيه ونصيحه عشان لا تبان الخطوط معكم استخدمو اسفنجة تلوين او فرشه شعرها ناعم عشان لا تترك لكم اثر خطوط الفرشه
انا استخدمت هذي الفرشه
من ساكو قال لي انها ما تترك خطوط عالسطح
صبغت كذا طبقة لين اختفى اللون كلياً
وجاء وقت الورنيش جربت هذولا الثلاث وبقولكم وش احسن واحد نفع لي
السائل من ساكو ما انصح فيه للالوان الفاتحة قلب على اصفر للأسف فأحس افضل استخدامه للقطع الغامقه
البرتقالي من جرير هو اساسا يعطي لمعه ما حبيت لمعته حيل
اعججبتني نتيجة الاخضر متوفر في ساكو وجرير
تغطيته للعمل مطفية وحلوه
بالنهايه كل ابن ادم خطاء
عشان كذا بقولكم بعض الاخطاء اللي وقعت فيها بالعمل
استخدمت اللصقه الملونه لتغطية اطراف الشبابيك بدال اللصقه الورق
وسبب هذا الاثر
راح مع اسفنجة التنظيف
ثاني خطاء كان اني نسيت اشيل مقابض الادراج وانا اصبغ
فترك هذا الاثر
لم غسلتها ورجعتها ما وضح حيل بس من الافضل انه
نشيلهم قبل الصبغ عشان نصبغ حتى المكان اللي تحتها
وبس اتمنى الموضوع كان مفيد لكم تمنيت اني ارفق صور توضيحيه اكثر
اذا تعرفين احد مهتم بالموضوع يسعدني تشاركينه الرابط
شكرا جزيلا جدا رائع
ردحذفبس وش خامة الاثاث الاصلية
أنا عندي خشب لكنه نظيف هل استخدم معاه الاساس?
شكرا جزيلا جدا رائع
ردحذفبس وش خامة الاثاث الاصلية
أنا عندي خشب لكنه نظيف هل استخدم معاه الاساس?
يعتمد علىى لون قطعتك انا صبغت الاساس لاني الخشب عندي ملون الاساس يغطي الصبغه القديمه بحيث ما تأثر عالصبغه الجديده تعطيك درجة اللون ذاته الللي تبغينه
حذفماشاءالله عليك ������
ردحذفانا مفكره اصبغ اثاث غرفتي بنفسي لان ماودي اشتري وحده جديده عاجبتني بس الالوان حقت اطفال من سته سنين عندي او زود وكانت مشتركه مع خواتي بعد ��
لون الاثاث وردي ف بصبغه ابيض اذا ممكن اسم الصبغه الاساس والثانيه الله يعافيك؟؟
وهل لها ريحه او لا؟
سمعت انه صبغة الخشب افضل للاثاث مدري احترت
وبس والله واتمنى تردين علي����
اهلا يا صديقه
حذفروحي محلات الاصباغ واطلبي منه صبغه اساس واللون اللي تبغينه . هو متعارف عندهم صبغة الاساس لانه اي عمل سواء كان جدار او اثاث لازم ينصبغ اساس ابيض ,انا استخدمت بوية صبغ الجدار لونها ابيض عالاثاث, الي يحكم على نتيجة العمل نظافة الشغل صنفري الاثاث اول بورق الصنفره تلقينه بمحلات الاصباغ وامسحي القطعه من الغبار واصبغي الاساس اول انتظري ينشف بعدها اصبغي اللون اللي تبغينه باتجاه واحد وبفرشه ناعمه او رول او اسفنج , بالنسبه للريحه طبيعي الاصباغ تولد ريحه خلي الشبابيك مفتوحه يوم او يومين وتروح الريحه , اذا متخوفه اشرحي للموظف حق المحل انك بتصبغين الاثاث وشوفي وش ينصحك تسوين اتمنى لك تجربه ممتعه
مرحبا انا ودي اصبغ سريري هو ابيض وانا ابيه اسود اذا ممكن تفيديني لازم احط الصبغه الاساس والا لا؟ ووين القى صبغة سودا!!
ردحذفالسلام عليكم انا ودي اصبغ طاوله الاحذيه من بني الي ابيض شلون الطريقه وأنواع الدهان
ردحذف