Eid room decor idea ...لمسات صغيره تُحدث فروق كبيره

.. سابقا كان العيد يمر يوم عادي في بيتنا كل عيد نقول العيد الجاي بنخطط وبصير غير .. وما يتغير شي ليلة من الليالي استوقفني كلام اختي الصغيره بالتحديد  قبل 3 سنوات بفترة اعياد الكرسمس .. لما سئلتني ليه اعيادنا مو نفس اعيادهم اعيادنا مملة ..تأملت بكلامها شوي .. من كنا صغار وكان بخاطري اعيادنا  تصير نفس اعيادهم اجتماع العائله والهدايا افطار الصباح وزينة الغرف كلها اشياء كانت تجذبني ..لكن ما كان عندي الحماس اني اطبقها ..قررت يومها اني اسوي كل اللي اقدر عليه عشان اخلي العيد يوم مميز على عائلتنا ..ما اقدر اقول ان كل شي تغير بسهولة لكن بالتدريج .. صرنا نتبادل الهدايا صباح العيد مع وجبة الافطار اللي تشاركنا واحنا نسويها نغير من ديكور غرفتنا شوي تغير المفارش ..اشياء غيرت من نفسيتنا كثير ..وهي اشياء بسيطه تكاد لا تذكر رغم اني متاخره كثير بطرح هالموضوع هذا ديكور غرفتي لعيد الفطر .. لكن طرحته الحين يمكن يلهم احد فيكم يغير بديكور غرفته لعيد الاضحى ..اعتذر جدا التصوير مو دقيق ما كنت حاطه في بالي بطرح هالموضوع  اتمنى لكم قراءه ممتعه